Մեքսիկայում խորհրդարանի պատգամավորի թեկնածուին սպանել են (Տեսանյութ)
Մեքսիկայի Կոաուիլա նահանգից Կոնգրեսի պատգամավորի թեկնածու Ֆերնանդո Պուրոն շաբաթ երեկոյան Պյեդրաս Նեգրաս քաղաքում, բանավեճի ավարտից անմիջապես հետո, սպանվել է: Այս մասին հաղորդում է «ՌԻԱ Նովոստին»:
Սոցիալական ցանցերում տեղադրված տեսանյութից երեւում է, որ նահանգի ինքնավար համալսարանի շենքի մոտ Պուրոն կանգնած է մի կնոջ հետ, որը նրան խնդրել էր լուսանկարվել: Այդ ժամանակ հետեւից նրան է մոտենում հանցագործը եւ սառնասրտորեն կրակում է ծոծրակին: Դրանից հետո հանցագործը անհետանում է:
Պուրոնը իշխող կուսակցությունից հուլիսի մեկին պետք է մասնակցեր ընտրություններին:
Etellekt վերլուծական ընկերության համաձայն, հունիսի 9-ի տվյալներով, նախընտրական քարոզարշավի ընթացքում ընդհանուր առմամբ ամբողջ երկրով սպանվել է 112 քաղաքական գործիչ եւ թեկնածու: