Գերմանիայի տնտեսության նախարարը միասնության կոչ է արել Եվրոպային
Գերմանիայի տնտեսության նախարար Փիտեր Ալթմայերն Միացյալ Նահանգների հետ առեւտրի հարցերում աճող լարվածության ֆոնին միասնության կոչ է արել Եվրոպային՝ հայտարարելով, որ պարզ չէ, թե ինչպես կավարտվի «Մեծ ութնյակի» գագաթնաժողովը, փոխանցում է Reuters-ը:
Նա կարեւորել է եվրոպական միասնությունն ազատ առեւտրի եւ տնտեսական շահերի հարցերում հատկապես, որ Միացյալ Նահանգներում դեռ շարունակվում են ներքին բանավեճերը նախագահ Դոնալդ Թրամփի կողմից «Մեծ յոթնյակի»՝ Կանադայի, Ճապոնիայի, ԵՄ-ի, նկատմամբ սահմանված պատժամիջոցերի շուրջ: Խոսքը պողպատի եւ ալյումինի ներմուծման համար մաքսատուրքերի մասին է, ինչպես նաեւ՝ Իրանի միջուկային համաձայնագրից դուրս գալու կապակցությամբ Իրանի դեմ պատժամիջոցների վերսկսման, որոնք կարող են տարածվել նաեւ Իրանի հետ աշխատող եվրոպական ընկերությունների վրա:
Ալթամեյերի խոսքով՝ ԵՄ-ն չէր չանկանում պատասխան մաքսատուրքեր սահմանել, սակայն կանի դա այլ ընտրության բացակայության դեպքում: ԵՄ առաջնորդները շարունակում են կողմնակից լինել ԱՄՆ-ի հետ երկխոսության շարունակմանը, եթե երկու կողմերն էլ պատրաստ են զիջումների գնալ, թեեւ այս պահին նման պատրաստակամություն չկա: