ԱԱԾ-ն ստուգումներ է իրականացրել ոչ միայն Սամվել Ալեքսանյանին պատկանող գրասենյակներում, այլ նաեւ տանը
ԼՈւՐԵՐ․com-ի տեղեկություններով՝ մայիսի 30-ին՝ 11,30-ի սահմաններում ԱԱԾ աշխատակիցները գտնվել են ԱԺ ՀՀԿ-ական պատգամավոր Սամվել Ալեքսանյանի տանը։
Ալեքսանյանին աշխատակիցները տանից հանել են դուրս և տան ներսում իրականացնում են օպերատիվ աշխատանքներ։
Ավելի վաղ հայտնի էր դարձել, որ այսօր առավոտյան դիմակավորված ՊԵԿ աշխատակիցները մուտք են գործել ԱԺ պատգամավոր Սամվել Ալեքսանյանին պատկանող «Երեւան սիթի»-ի գլխավոր գրասենյակ:
Հավելենք, որ «Երեւան սիթի»-ի գլխավոր գրասենյակում երեկվանից իրավիճակը բավականին լարված էր։
Հիշեցնենք նաև, որ Սամվել Ալեքսանյանը երեկ հանդիպում է ունեցել ԱԺ ՀՀԿ խմբակցության ղեկավար Վահրամ Բաղդասարյանի հետ։
Բաղդասարյանի աշխատասենյակից Ալեքսանյանը դուրս էր եկել բավականին նյարդային և լարված վիճակում՝ հրաժարվելով պատասխանել լրագրողր հարցերին։