Իսկ երեւանցիների կարծիքը հարցրե՞լ եք «Նաիրիտի» վերաբերյալ
ՀՀ էներգետիկ ենթակառուցվածքների և բնական պաշարների նախարար Արթուր Գրիգորյանը հայտնեց, որ «Նաիրիտ» գործարանով հետաքրքրվող ներդրողներ կան:
Այսպիսով, նա շարունակեց նախկին ավանդույթները:
Հիշեցնենք, որ վերջին առնվազն քսան տարում ցանկացած նոր կառավարություն շտապում էր հայտարարել, թե «Նաիրիտով» հետաքրքրվողներ կան:
Հիմա հարց՝ իսկ որեւէ մեկի մտքով անցել է այս հարցի վերաբերյալ լսել երեւանցիների, Արարատյան դաշտի բնակիչների, բնապահպանների տեսակետը:
Հավանաբար շատերը մոռացել են, թե ինչ թույն էր մայրաքաղաքի վրա սփռում այս գործարանը, մոռացել են, թե այդ թույնի հետեւանքով քանի կին չկարողացավ երեխա ունենալ, քանի տղամարդ այս կամ այն հիվանդությունը ձեռք բերեց:
Գուցե նաեւ մոռացել են, որ յոթանասունական, ութունական թվականներին երեխաները դպրոց գնում էին արցունքն աչքերին, ֆուտբոլ խաղում էին արցունքն աչքերին: Իսկ արցունքները թունավոր արտանետումների հետեւանքեր: Հիմա փոխանակ համարձակություն ունենան եւ հայտարարեն, որ «Նաիրիտ» Երեւանում, Արարատյան դաշտում չի կարող լինել, շարունակում են խոստումներ տալ, թե այն կաշխատի:
Top-News.am