Ռուսաստանում բենզինի գինը կտրուկ աճել է
Ռուսաստանում մեկ շաբաթում՝ մայիսի 21-27-ը, բենզինի գները նկատելիորեն աճել են, վկայում են «Կորտես» տեղեկատվավերլուծալան կենտրոնի տվյալները, փոխանցում է «ՌԻԱ Նովոստի»-ն:
АИ-92 տեսակի վառելանյութի արժեքը բարձրացել է 76 կոպեկով եւ կազմել լիտրի դիմաց 40,76 ռուբլի, АИ-95 տեսակի բենզինի գինն աճել է 79 կոպեկով՝ լիտրի դիմաց հասնելով մինչեւ 43,6 ռուբլու: Դիզելային վառելանյութի լիտրը թանկացել է 79 կոպեկով՝ մինչեւ 43,65 ռուբլի:
Մոսկովյան վառելանյութային ասոցիացիայից հայտնել են, որ մայրաքաղաքային լցակայաններում վառելանյութի գները անցյալ շաբաթ աճել են միանգամից 88-90 կոպեկով՝ լիտրի դիմաց հասնելով 42,21 ռուբլու АИ-92-ի համար եւ մինչեւ 45,5 ռուբլու АИ-95-ի համար: Դիզվառելանյութի լիտրը թանկացել է 85 կոպեկով՝ մինչեւ 43,99 ռուբլի: