Apple–ը թույլ կտա iPhone–ը օգտագործել որպես բանալի կամ տրանսպորտային քարտ
iPhone–ի եւ iPad–ի օպերացիոն համակարգերի նոր տարբերակը՝ iOS 12–ը նոր հնարավորություն կտա ինտեգրված NFC չիպերին, որոնք այժմ չափազանց սահմանափակված են։ Այս մասին գրել է The Information պարբերականը։
iPhone 6–ից սկսած ներկառուցված NFC չիպերը կարելի էր օգտագործել միայն առանց կոնտակտային վճարումների համար Apple Pay գործառույթի օգնությամբ։ iOS 11–ում ավելացել է Core NFC ֆրեմվորկը, որը թույլ է տալիս հավելվածում ավելացնել տեղեկությունը կարդալու գործառույթ NFC Data Exchange Format ֆորմատով։
Դա կարող է պետք գալ, օրինակ, խանութում ապրանքի մասին կամ թանգարանում ցուցանմուշի մասին տեղեկության ստանալու համար, բայց Android սմարթֆոնների NFC հնարավորությունների համեմատ, միեւնույն է, շատ քիչ է։ Գործառույթի աշխատանքի համար հավելվածը պետք է սմարթֆոնի էկրանին բացված լինի։
Պարբերականի աղբյուրների տվյալներով՝ նոր ներկառուցված այֆոնները կարող են հանդես գալ որպես NFC ինտերֆեյսով կողպեքների էլեկտրոնային բանալի։
էլեկտրոնային բանալիների գործառույթի հետ մեկտեղ Apple–ը մտադիր է iPhone–ը որպես տրանսպորտային NFC քարտ օգտագործելու հնարավորություն ավելացնել։
Այն մասին, արդյոք այս տեղեկությունը համապատասխանում է իրականությանը, կպարզվի մեկ շաբաթ անց՝ հունիսի 4-ին կմեկնարկի Apple տարեկան համաժողովը մշակողների համար՝ WWDC–ը, որտեղ ամեն տարի պատմում են iOS –ում եւ մյուս օպերացիոն համակարգերում նորամուծությունների մասին, փոխանցում է Vesti–ն։