Սանկտ Պետերբուրգում անհայտ անձն «ականապատել» է 112 ծառայությունը. կասկածվում է ՀՀ քաղաքացի
Անհայտ տղամարդը զանգահարել է Ռուսաստանի Սանկտ Պետերբուրգ քաղաքի 112 փրկարար ծառայություն՝ հայտնելով, թե ինքն ականապատել է ծառայության շենքը։ Այս մասին գրում է spb.kp.ru-ն։
Իրավապահները շտապ տարհանել են շենքից 18 մարդու։ Մինչ նրանք սպասում էին դրսում՝ մասնագետները զննել են շենքն ու դրա շրջակայքը։
Ոստիկանները հայտնաբերել են, որ հեռախոսը, որից կատարվել է զանգը, գրանցված է 48-ամյա տղամարդու անունով, որը Հայաստանի քաղաքացի է։
Պարզվել է, որ ահազանգը կեղծ է եղել, և շենքում, կամ դրա մոտ որևէ վտանգավոր սարք չի հայտնաբերվել։