Ցուցարարները փակել են Արշակունյաց պողոտան. պահանջում են ազատել ՊՊԾ գունդը զավթելու մեջ մեղադրվողներին
Արշակունյաց պողոտան փակ է: Մի խումբ քաղաքացիներ պահանջում են ազատ արձակել ՊՊԾ գունդը զավթելու և մի շարք ծանր հանցագործություններ կատարելու մեջ մեղադրվողներին:
Երևանի ընդհանուր իրավասության դատարանում շարունակվում է ՊՊԾ գունդը զավթելու և մի շարք ծանր հանցագործություններ կատարելու մեջ մեղադրվողներից Պավել Մանուկյանի, Վարուժան Ավետիսյանի, Արայիկ Խանդոյանի, Մխիթար Ավետիսյանի, Գագիկ Եղիազարյանի, Արմեն Բիլյանի, Սմբատ Բարսեղյանի, Արեգ Կյուրեղյանի, Էդուարդ Գրիգորյանի, Սեդրակ Նազարյանի գործով դատաքննությունը՝ դատավոր Մակյանի նախագահությամբ: Նրանց պաշտպանները միջնորդություն են ներկայացրել ամբաստանյալներին կալանքից ազատելու և այլ խափանման միջոց ընտրելու վերաբերյալ:
Դատարանը որոշումը հրապարակելու է այսօր՝ ժամը 16:00-ին:
Մինչ դատարանը խորհրդակցական սենյակում էր, ՊՊԾ գունդը զավթելու մեջ մեղադրվողների աջակիցները փակել են Երևանի ընդհանուր իրավասության դատարանի Շենգավիթ նստավայրի ճանապարհը՝ Արշակունյաց պողոտան: