Ֆրանսիայի վարչապետը Լե Պենի դեմ քարոզարշավ է սկսել
Ֆրանսիայի վարչապետ Բերնար Կազնեւը քարոզարշավ է սկսել նախագահի թեկնածու Մարին Լե Պենի դեմ, հաղորդում է Journal du Dimanche պարբերականը: Մոտ ժամանակներում վարչապետը կայցելի Պա-դե-Կալե եւ Լոթարինգիա, որտեղ ուժեղ է Լե Պենի գլխավորած «Ազգային ճակատ» կուսակցության ազդեցությունը:
Մարտի կեսերին Կազնեւը կայցելի Ամյեն քաղաք եւ Վիթրոլ համայնք, որոնց բնակիչները աջ ծայրահեղականների կողմնակիցներ են:
Կազնեւի խսքով` վերոնշյալ կուսակցության օգտին քվեարկությունը կարող է հանգեցնել «կատաստրոֆիկ հետեւանքների` հասարակության խոցելի շերտերի համար»: