Ովքեր են առաջատար քաղաքական ուժերը
Օրերս սոցիոլոգ Ահարոն Ադիբեկյանը ներկայացրեց հերթական սոցիոլոգիական հարցման արդյունքները, ըստ որի, առաջատարները ՀՀԿ-ն եւ ԲՀԿ-ն են: Նա նաեւ ընդգծեց, որ ժողովուրդն այս անգամ հակված է քվեարկել իշխանությանը:
Նույն Ահարոն Ադիբեկյանը ստիպված եղավ բարձրաձայնել, որ «Օհանյան-Րաֆֆի-Օսկանյան» դաշինքի վարկանիշն արդեն հասել է յոթ տոկոսի, իսկ Րաֆֆի Հովհաննիսյանի վարկանիշը ութ տոկոս է:
Եթե լիներ հնարավորութուն, Ադիբեկյանը, իհարկե, այս դաշինքին չէր տա այս անցողիկ թվերը, սակայն, կա իրականություն, որը ստիպում է փոփոխություններ մտցնել նախօրոք արված թվերի մեջ:
Մեր ունեցած տեղեկություններով, վերջերս Հայաստանում անցկացվել է մի համապարփակ սոցիոլոգիական հարցում, որից պարզ է դառնում, որ այսօր առաջատարը ԲՀԿ-ն է, իսկ երկրորդ-երրորդ տեղերում՝ «Օհանյան-Րաֆֆի-Օսկանյան» դաշինքը եւ ՀՀԿ-ն:
Այս հարցումը անց է կացվել նախքան քարոզարշավի սկսվելը: Սա թույլ է տալիս եզրակացնել, որ իշխանամետ ուժերի վարկանիշը գնալով ավելի է նվազելու, իսկ ոչ իշխանական ուժերինը, մասնավորապես «Օհանյան-Րաֆֆի-Օսկանյան» դաշինքինն ավելի է աճելու:
Top-News.am