Կիմ Չեն Ընը հրել է իր կնոջը լուսանկարել փորձող տղամարդուն (տեսանյութ)
Հյուսիսային Կորեայի առաջնորդ Կիմ Չեն Ընը Հարավային Կորեա կատարած այցի ժամանակ հրել է լուսանկարչին, որը փորձել է լուսանկարել իր կնոջը՝ Ռի Սոլ Չժուին, փոխանցում է The Mirror-ը։
Նշվում է, որ դեպքը տեղի է ունեցել այն ընթացքում, երբ Կիմ Չեն Ընը հարավկորեացի առաջնորդին է ներկայացնելիս եղել իր կնոջը։
Հիշեցնենք, որ ապրիլի 27-ին Հյուսիսային և Հարավային Կորեաների առաջնորդներ Կիմ Չեն Ընն ու Մուն Չժե Ինը պատմական հանդիպում են ունեցել երկու պետությունների սահմանագծին՝ լրագրողների առջև իրար ողջունելով ու ձեռք սեղմելով:
Կիմ Չեն Ընը դարձել է վերջին 65 տարվա ընթացքում առաջին հյուսիսկորեացի առաջնորդը, որը հատել է սահմանն ու անցել Հարավային Կորեայի տարածք:
Հիշեցնենք, որ թեև Կորեական պատերազմն ավարտվել է 1953թ., այնուհանդերձ երկու պետությունները շարունակում են տեխնիկապես պատերազմի մեջ մնալ: