Հայաստանը մի՛ դարձրեք գործիք
Ես խոստացել էի լռել, բայց իրավիճակն իրոք պայթյունավտանգ ա, ու ռիսկերը գնալով միայն մեծանում են։
Իրադարձությունների զարգացման բոլոր հնարավոր սցենարներն աղետալի են Հայաստանի համար՝ բացառությամբ մեկի՝ ՀՀԿ-ի ու Նիկոլի միջև խելամիտ կոմպրոմիսի։ Բոլոր նրանք, ովքեր ուզում են խաղաղություն ու ոչ բռնի հանգուցալուծում, ովքեր ուզում են քաղաքական էս գործընթացի հսկայական դրական կողմերը ջուրը չգցել, ովքեր ուզում են Հայաստանի զարգացման էս ահռելի պոտենցիալը չմսխվի՝ պետք ա պաշտպանեն կոմպրոմիսի գաղափարը։
Բոլոր նրանք, ովքեր նպաստում են, աջակցում են, հրում են, հրահրում են իրադարձությունների զարգացման այլ սցենարներ՝ հավասարապես պատասխանատու են հետևանքների համար՝ որ ճամբարից էլ ու ինչ հիմնավորումներով էլ դա անեն, և էս գլխից հետևանքների պատասխանատվությունը միմյանց վրա գցելը պատասխանատվությունից ոչ ոքին չի ազատում։
Յուրաքանչյուրը պետք ա ընտրի՝ ինչ սցենար ա պաշտպանում ու պատասխանատու պետք ա լինի սեփական ընտրության համար։
Հայաստանը մի՛ դարձրեք գործիք, ստիպե՛ք կողմերին գնալ կոմպրոմիսի, մի՛ պաշտպանեք այլ սցենարներ։