Կոտայքում Վարդան Այվազյանի համար արշալույսներն այնքան էլ խաղաղ չեն
«Փաստ» օրաթերթը գրում է. «Կոտայքի մարզում առաջիկա խորհրդարանական ընտրությունների նախաշեմին իրավիճակը գնալով սրվում է: Հետաքրքիր է, որ գրեթե ամեն տեղ «կռիվը» գնում է ՀՀԿ–ական թեկնածուների միջեւ: Բանն այն է, որ սրանք միշտ միասին են գործել ՀՀԿ–ին ձայներ բերելու պատվավոր գործում: Բայց հիմա բաժան–բաժան են եղել: Ակտիվիստները մի թիմից «թռչում» են մյուս թիմ: Աժ պատգամավոր Վարդան Այվազյանի թիմակիցներն էլ են կամաց–կամաց նոսրանում:
«Փաստի» տեղեկություններով` թունդ վեճ է եղել մարզի Արգել գյուղի համայնքապետ Մաթեւոս Ավագյանի եւ Վարդան Այվազյանի միջեւ: Ամենայն հավանականությամբ Վարդանը մեծ ախորժակով թվեր է ուզել համայնքապետից:
Ինչեւէ, Վարդան Այվազյանի` Արգելից սպասվող ձայները «գրվեցին սառույցին»: Դժվար թե Մաթեւոսը նրան ձայներ բաշխի:
Մանրամասները՝ թերթի այսօրվա համարում: