Վաճառքի է հանվել Պուտինի լիմուզինը (լուսանկարներ)
ՌԴ նախագահ Վլադիմիր Պուտինի ավտոմեքենան վաճառքի է հանվել 8.5 մլն ռուբլիով:
Ինչպես ներկայացնում է Lenta.ru-ն, 2003 թվականի արտադրության կաշեպատ սրահով Mercedes-Benz Pullman W220 S600 լիմուզինը ընդգրկված է մասնավոր հավաքածուի կազմում: Մեքենայի վազքը կազմում է 88 000 կմ:
«Հատուկ նշանակության ավտոմեքենան Կրեմլի ավտոպարկում օգտագործվել է Ռուսաստանի Դաշնության նախագահ Վլադիմիր Պուտինի կառավարման տարիներին: Այս մեքենայով վերջինս ներկայացել է պաշտոնական և ոչ պաշտոնական հանդիպումներին», - ասվում է հայտարարության մեջ:
Հայտարարության մեջ նշվում է, որ ավտոմեքենան ստեղծվել է հատուկ պատվերով: