Մոսկվայում ձերբակալվել է միլիարդատեր Դանիլ Խաչատուրովի եղբայրը՝ Սերգեյ Խաչատուրովը
Մոսկվայում ապրիլի 18-ին ձերբակալվել է «Ռոսգոսստրախ» ապահովագրական ընկերության նախկին փոխնախագահ Սերգեյ Խաչատուրովը, որն ընկերության նախկին սեփականատեր, միլիարդատեր Դանիլ Խաչատուրովի եղբայրն է:
Ինչպես հայտնում է kommersant.ru-ն՝ Դանիլ Խաչատուրովի փաստաբան Ալեքսեյ Մելնիկովին հղումով, ձերբակալվածը մեղադրվում է միջոցների յուրացման համար:
Աղբյուրը հիշեցնում է, որ ապրիլի սկզբին պարզվել էր, որ «ФК Открытие» բանկի հսկողության տակ անցած «Ռոսգոսստրախ»-ը մի քանի քաղաքացիական հայց է ներկայացրել նախկին սեփանակատեր Դանիլ Խաչատուրովի հետ կապված ընկերությունների ու մենեջերների դեմ:
Հայտնի է, որ ապրիլի 17-ին Անվտանգության դաշնային ծառայությունը քննչական գործողություններ է իրականացրել «Ռոսգոսստրախ Ժիզն»-ի կենտրոնական գրասենյակում, սակայն դա կապ չի ունեցել ընկերության օպերացիոն գործունեության հետ: