Աշխարհը սպասում է Պուտինի պատասխանին. տանկերով բեռնված ռուսական ռազմանավերը շարժվում են դեպի Սիրիա (լուսանկարներ)
Ռազմական փոխադրամիջոցներով բեռնված երկու ռուսական ռազմանավ շարժվում են դեպի Սիրիայի ափերը, հայտնում է բրիտանական The Daily Mail պարբերականը՝ նկատելով, որ լույս ապրիլի 14-ի գիշերն ԱՄՆ-ի, Ֆրանսիայի և Մեծ Բրիտանիայի կողմից Սիրիայի հրթիռակոծումից հետո, աշխարհը սպասում է ՌԴ նախագահ Վլադիմիր Պուտինի պատասխանին:
Պարբերականը մանրամասնում է, որ ռուսական ռազմանավերը ապրիլի 15-ին նկատվել են Բոսֆորի նեղուցում: Դրանք ուղևորվում են դեպի Սիրիայի հյուսիսային ափի մոտ գտնվող «Տարտուս» ռուսական ծովային ռազմաբազան:
Նավերի վրա նկատվել են ռազմական «Ռամազ» բեռնատարներ, խորհրդային արտադրության «ԲՏՌ 80» տանկեր, շտապօգնության մեքենաներ, ինչպես նաև պայթուցիկ նյութերի տեղորոշիչներ, արագընթաց պարեկային նավակներ: