Թուրքմեն աղջիկներն այսուհետ լողազգեստ եւ շորթ չեն կարող գնել եւ կրել. մնում է մերկ լողալը
Թուրքմենստանում արգելել են կանանց բիկինի լողազգեստների եւ շորտերի ներկրումը եւ վաճառքը, բնականաբար նաեւ դրանց կրումը: «Ազատլիկ» ռադիոյի հաղորդմամբ՝ հագուստ վաճառողներն այժմ վաճառում են մինչեւ արգելքը պահեստներում մնացած լողազգեստներն ու շորտերը:
«Մաքսակետում թույլ չեն տալիս անցկացնել լողազգեստներն ու շորտերը: Լողալու սեզոնի մոտենալուն զուգընթաց՝ այդ ապրանքների պահանջարկն աճում է: Բայց մաքսային ծառայության աշխատակիցները չեն բացատրում այդ արգելքի պատճառը»:
Մաքսային ծառայության աշխատակիցը, անանուն մնալու պայմանով, ենթադրել է, որ այս արգելքը կապված է «թուրքմենների բարոյական նորմերի հետ, այսինքն, որ թուրքմեն աղջիկներին վայել չէ լողազգեստ հագնելը»:
Բացի այդ, իշխանությունները մտադիր են արգելել նաեւ մազերի գունաթափող միջոցների, եղունգների գելերի եւ այլ նման ապրանքների վաճառքը:
Մի խոսքով՝ նամուսով աղջիկներ: Սեյրան Սարոյանի սրտից բխած որոշում:
Այսուհանդերձ, որեւէ մեկը չի ասել, իսկ եթե կանանց արգելել են բիկինի կամ շորթ կրել, նրանք կարող են մերկ լողալ, թե՞ ոչ:
Top-News.am