Ինչպես են իրանցիները խաշիլ պատրաստում (Տեսանյութ)
Խաշիլ սիրում են ոչ միայն հայրեը, այլ նաեւ իրանցիները, հատկապես Իրանի հյուսիսում: Խաշիլը ցորենով պատրաստված ապուր է: Այն պատրաստում են տարվա ցուրտ ամիսներին: Բանն այն է, որ խաշիլը բարձրացնում է իմունիտետը եւ ամրացնում առողջությունը: Իրանցիները պարտադիր խաշիլ են պատրաստում տարվա ամենաերկար գիշերն ունեցող օրը՝ դեկտեմբերի 21-ին: Այդ տոնն Իրանում կոչվում է Շաբ է Յալդա:
Նրանք, ովքեր կցանկանան խաշիլ պատրաստել իրանական եղանակով ներկայացնում ենք բաղադրատոմսը.
- 1 բաժակ ցորեն կամ բլղուր
- 3 ճաշի գդալ ալյուր
- 1 բաժակ կաթ
- 2 ճաշի գդալ մեղր
- 4 ճաշի գդալ կարագ
Պատրաստման եղանակը
1. Թրջում ենք ցորենը, թողնում ենք մի գիշեր կամ ութ ժամ:
2. Այն լցնում ենք թավայի մեջ, ավելացնում երկու բաժակ ջուր: Ծածկում ենք, թողնելով փոքրիկ ճեղք: Պատրաստում ենք թույլ կրակի վրա՝ մոտ երկու ժամ:
3. Փոքրիկ կաթսայի մեջ լցնում ենք երեք ճաշի գդալ ալյուր, տաքացնում ենք 3-5 րոպե, անդադար խառնում ենք: Ավելացնում ենք մեկ բաժակ ջուր եւ սկսում ակտիվ խառնել, որից հետո այն ավելացնում ենք բլղուրի կամ ցորենի վրա: Թողնում ենք, որ այն սառի:
4. Խառնում ենք կաթը մեղրի հետ, հալացնում ենք կարագը եւ այն եւս ավելացնում մեծ կաթսայի մեջ:
Top-News.am