Թաիլանդի կենդանաբանական այգիներից մեկում կապիկը փորձել է հանել զբոսաշրջուհու վերնաշապիկը (լուսանկարներ, տեսանյութ)
Թաիլանդի կենդանաբանական այգիներից մեկում կապիկը ցատկել է կին այցելուի վրա և փորձել հանել նրա վերնաշապիկը: Զվարճալի միջադեպը ներկայացնող լուսանկարներն ու տեսանյութը հրապարակվել են The Mirror-ում:
Աղբյուրը մանրամասնում է, որ սկզբում կապիկը բարձրացել է Բրիտանի Բոումեն անունով ամերիկուհու ոտքին, այնուհետ՝ ավելի վերև: Կենդանին բռնել է աղջկա վերնաշապիկը և ներքև քաշել այն:
«Սա ստիպեց բոլորին հիստերիկ ծիծաղել, համարյա լացել», - պատմել է աղջիկը՝ հավելելով, որ ինքը շատ է վախեցել ու նույնիսկ չի կասկածել, որ կապիկը կփորձի հանել իր հագուստը:
Կապիկի տերը ենթադրել է, որ այս կերպ կենդանին որոշել է կրծքի կաթ գտնել: