Սաակաշվիլիի աջակիցները բողոքի ցույց են անցկացնում Կիևում
Այս թեմայով
- Ինչ է կատարվում Կիեւում եւ նրա մատույցներում
- Ուկրաինայում եւ նրա շուրջ իրադարձությունների զարգացումը վերջին ժամերին
- Պուտին. Ուկրաինայի վրա ոչ թռիչքային գոտի ստեղծելու փորձերը Ռուսաստանը որպես հակամարտությանը մասնակցություն կդիտարկի
- Ուկրաինայի անվտանգության ծառայություն կողմից ձերբակալության ժամանակ սպանվել է ուկրաինական կողմի բանակցողներից մեկը՝ Դենիս Կիրեևը
Վրաստանի նախկին նախագահ, Օդեսայի նախկին նահանգապետ, ընդդիմադիր Միխեիլ Սաակաշվիլիի աջակիցները Կիևում բողոքի ակցիա են անցկացնում՝ պահանջելով Ուկրաինայի նախագահ Պետրո Պորոշենկոյի հրաժարականը:
Հարյուրավոր մարդիկ են հավաքվել Կիևի Անկախության հրապարակում, որը Եվրամայդանի բողոքի ցույցերի կենտրոնն էր: Անվտանգության միջոցները խստացվել են, իրավապահների և ցուցարարների միջև բախումների մասին տեղեկություններ չկան:
Մի քանի շաբաթ առաջ ոստիկանությունը ապամոնտաժել էր դեռ անցյալ տարվանից Սաակաշվիլիի աջակիցների կողմից Կիևի կենտրոնում՝ խորհրդարանի մերձակայքում տեղադրված վրանները: Ավելի քան 100 ցուցարարներ բերման էին ենթարկվել, 20-ը՝ վիրավորվել մարտի 3-ի այդ բախման ժամանակ:
Հիշեցնենք, Ուկրաինայի իշխանությունները Միխեիլ Սաակաշվիլիին արտաքսել են երկրից փետրվարի 12-ին, երբ Կիևի ռեստորաններից մեկում հատուկջոկատայինները նրան ձերբակալել, այնուհետև ինքնաթիռ էին նստեցրել և ուղարկել Լեհաստան: Ուկրաինայի իշխանությունները պնդում էին, որ Սաակաշվիլին անօրինական էր գտնվում երկրում: