Ղազախստանը հրաժարվել է Մոսկվայի պահանջով վերանայել ԱՄՆ քաղաքացիների համար սահմանված ազատ վիզային ռեժիմը
Ղազախստանի արտգործնախարարությունը մերժել է Մոսկվայի պահանջը՝ Միացյալ Նահանգների քաղաքացիների նկատմամբ սահմանված առանց վիզաների ռեժիմը վերանայելու վերաբերյալ:
Նախօրեին Ռուսաստանի արտգործնախարար Սերգեյ Լավրովը հայտարարել էր, թե ամերիկացիներին տրված այդ արտոնությունը պետք է համաձայնեցվի Եվրասիական տնտեսական միության հետ: Պաշտոնական Աստանան, սակայն, հակադարձել է՝ Եվրասիական տնտեսական միությունը, որին անդամակցում է նաև Հայաստանը, քաղաքական դաշինք չէ, այն քննարկում է միայն տնտեսական համագործակցությանը վերաբերող հարցեր:
«Այլ պետության քաղաքացիների նկատմամբ մուտքի արտոնագրի պահանջ դնելը կամ չդնելը յուրաքանչյուր ինքնավար պետության իրավունքն է՝ սեփական ազգային շահերը», -հայտարարել է Ղազախստանի արտգործնախարարության խոսնակ Անուար Ժաինակովը: