Ռուսաստանը ԱՄՆ-ի դեմ պատասխան պատժամիջոցներ է պատրաստում
Այս թեմայով
- Ռուս ընդդիմադիր գործիչ Ալեքսեյ Նավալնին բանտում մահացել է
- Սիրիայում ՌԴ–ի հետ հակասությունը C-400–ների վրա չի ազդի
- Ռուսաստանը Թուրքիային կոչ է անում խստորեն կատարել Իդլիբի վերաբերյալ Սոչիի համաձայնագիրը․ Լավրով
- Ռուսաստանի հետ համատեղ հերթապահությունը կսկսվի մոտ ժամանակներս.Թուրքիայի պաշտպանության նախարար
Ռուսաստանը Միացյալ Նահանգների դեմ պատասխան պատժամիջոցներ է պատրաստում, հայտարարել է փոխարտգործնախարար Սերգեյ Ռյաբկովը, ընդգծելով՝ դա Մոսկվայի որոշումը չէ, Վաշինգտոնի քայլերն են դրան դրդում:
Նախօրեին Միացյալ Նահանգները նոր պատժամիջոցներ սահմանեց Ռուսաստանի 14 քաղաքացիների նկատմամբ, որոնց կասկածում են ամերիկյան վերջին նախագահական ընտրություններին միջամտելու մեջ:
Նոր պատժամիջոցները տարածվում են ռուսական հետախուզության երկու աշխատակիցների և Սանկտ Պետերբուրգում գործող Ինտերնետ հետազոտությունների գործակալության աշխատակիցների նկատմամբ, որոնք, ըստ հաղորդումների, սոցիալական ցանցերում փորձել են պառակտել ամերիկյան ընտրազանգվածը: