Թաիլանդում օդանավակայանի աշխատակիցն ուղեբեռի ստուգման ժամանակ գումար է գողացել ուղևորի պայուսակից (տեսանյութ)
Բանգկոկի օդանավակայանի անվտանգության համակարգի աշխատակիցը գումար է գողացել ուղևորից և ձերբակալվել, քանի որ տեղի ունեցածն արձանագրել են տեսանկարահանող խցիկները:
The Daily Mail-ը գրում է, որ օդանավակայանի կին աշխատակիցը ձեռքի ուղեբեռը ժապավենի վրա ստուգելու ընթացքում՝ մինչև ռենտգենյան սարք մտնելը, բացել է ուղևորներից մեկի պայուսակն ու 4 հազար չինական իեն (մոտ 630 դոլար) գողացել պայուսակից:
26-ամյա աշխատակիցը պայուսակից արագ հանել է թղթադրամների կապոցն ու դրել այն իր աջ գրպանում, չնայած այդ պահին ուղևորը կանգնած է եղել իր կողքին:
Նշվում է, որ չինացի ուղևորը նկատել է կորուստն արդեն մեկնման սրահում, կապվել օդանավակայանի ղեկավարության հետ ու հաղորդել տեղի ունեցածի մասին:
Ոստիկանները տեղում բռնել են անվտանգության աշխատակցին՝ հայտնաբերելով կորած գումարը նրա գրպանում: Դրանից հետո օդանավակայանում երկու տարի աշխատած կինը խոստովանել է կատարվածի մասին և ձերբակալվել: