Էրդողանը բացահայտեց այն, ինչը հայտնի էր վաղուց. Փայլանը՝ Էրդողանի ազգայնական ժեստի մասին
Թուրքիայի քրդական «Ժողովուրդների դեմոկրատական» (HDP) կուսակցության հայ պատագամավոր Կարո Փայլանը Twitter–ի իր էջում անդրադարձել նախագահ Էրդողանի կողմից «Գորշ գայլերի» ժեստն անելու վերջին դեպքին։
Կարո Փայլանը գրել է. «Էրդողանն այսօր բացահայտեց այն, ինչը հայտնի էր վաղուց։ Որտեղից ուր հասանք»։
Նշենք, որ Թուրքիայի նախագահ Ռեջեփ Թայիփ Էրդողանը Մերսինում հանրահավաքի ժամանակ Աֆրինի հետ կապված ելույթի ժամանակ մատներով «Գորշ գայլերի» ժեստն է արել։ Այս դեպքը մեծ արձագանք է գտել սոցկայքերում, քանի որ չափավոր իսլամի անվան տակ քաղաքականություն մտած Էրդողանը փաստացի ապացուցեց, որ ազգայնամոլական է։