Պուտինը ԱՄՆ պատժամիջոցները կապել է «Ռուսաստանի զարգացումը կասեցնելու» ցանկության հետ
Ռուսաստանի նախագահ Վլադիմիր Պուտինը հայտարարել է, որ Վաշինգտոնի պատժամիջոցները Մոսկվայի դեմ կապված չեն «ԱՄՆ-ի ընտրություններին Ռուսաստանի առասպելական միջամտության» հետ, այլ «Ռուսաստանի զարգացումը կասեցնելու» ցանկության հետ։ Այդ մասին նա հայտնել է NBC հեռուստաալիքին տված հարցազրույցում։
Նա ընգծել է նաեւ, որ այդ «զսպման քաղականությունը» ԱՄՆ–ն վարում է արդեն տասնյակ տարիներ՝ ժամանակ առ ժամանակ։
«Դա վնասում է ոչ միայն ռուս-ամերիկյան հարաբերություններին, այլ նաեւ ամերիկյան բիզնեսին»,–նշել է նա։
Որպես ասվածի վկայություն՝ Պուտինը հիշեցրել է, որ Սանկտ Պետերբուրգի Տնտեսական ֆորումին ներկա պատվիրակություններից ամենամեծը ԱՄՆ–ից է եղել։ «Մարդիկ ցանկանում են մեզ հետ աշխատել, բայց նրանց թույլ չեն տալիս»,–ասել է ՌԴ նախագահը։