Օդը կեղտոտող ուղեւորը ստիպել է օդանավին արտակարգ վայրէջք կատարել
Transavia Airlines ընկերության Դուբայից Ամստերդամ թռչող օդանավը վայրէջք է կատարել Վիեննայում օդը կեղտոտող ուղեւորի պատճառով, հաղորդում է Lenta.ru-ն՝ վկայակոչելով Metro-ն:
Պարբերականի փոխանցմամբ, տղամարդու կողքը նստածները խնդրել են նրան զսպել իրեն, բայց նա հրաժարվել է: Անձնակազմի անդամները եւս ոչ մի գործողություն չեն ձեռնարկել:
Տղամարդկանց միջեւ վեճ է ծագել, որը վերաճել է ծեծկռտուքի, որի հետեւանքով օդաչուն վայրէջքի գնալու որոշում է կայացրել:
Վայրէջքից հետո ոստիկանությունը շների ուղեկցությամբ բարձրացել է օդանավ եւ իջեցրել երկու կանանց (քույրերի) եւ երկու տղամարդկանց: Կանայք մտադիր են դիմել դատարան՝ իրենց օդանավից իջեցնելու համար, թեեւ իրենք ոչինչ չէին արել:
«Մենք այդամենի հետ ոչ մի կապ չունենք: Մենք չգիտեինք՝ ովքեր են այդ տղամարդիկ: Պարզապես մեր բախտը չէր բերել, որ նստած էինք նրանց հետ նույն շարքում»,-ասել է ուղեւորուհիներից մեկը:
Ավելի ուշ բոլոր 4-ին էլ ազատ էին արձակել, քանի որ նրանք չէին խախտել ավստրիական օրենքները, սակայն Transavia-ն արգելել է նրանց թռչել իր օդանավերով: