Ճապոնիան եւ ԱՄՆ-ը ճնշելու են Հյուսիսային Կորեային
Այս թեմայով
- Պատերազմի հետեւանքով բաժանված ընտանիքների հանդիպում
- Կորեայի Հանրապետության եւ ԿԺԴՀ-ի գագաթնաժողովը կկայանա սեպտեմբերի 12-ին կամ 13-ին Փհենյանում
- Սեուլի եւ Փհենյանի առաջնորդների հանդիպումը կարող է կայանալ Հյուսիսային Կորեայի մայրաքաղաքում
- Չինաստանն ու Ռուսաստանը Կորեային պաշտպանեցին ԱՄՆ-ի հարձակումից
Ճապոնիան ու ԱՄՆ-ը հանգել են միասնական կարծիքի, որ անհրաժեշտ է ուժեղացնել ճնշումը Հյուսիսային Կորեայի նկատմամբ եւ թույլ չտալ, որ հյուսիսկորեական ժպտերես դիվանագիտությունը խաբի իրենց: Այս մասին պայմանավորվածությունը ձեռք է բերվել ԱՄՆ փոխնախագահ Մայք Փենսի եւ Ճապոնիայի վարչապետ Սինձո Աբեի հանդիպման ժամանակ, հաղորդում է «ՌԻԱ Նովոստին»:
«Եթե խիստ կամք չդսրեւորվի եւ կոնկրետ գործողություններ չլինեն Հյուսիսային Կորեայի ապամիջուկայնացման գործում, ապա անօգուտ է հույս դնել իմաստալից երկխոսության վրա»,-լրագրողների հետ հանդիպման ժամանակ ասել է Աբեն:
ԱՄՆ փոխնախագահ Մայք Փենսն էլ հայտարարել է, որ «Հյուսիսային Կորեայի հետ փոխզիջումը նոր սադրանքների կբերի»: Նա եւս մեկ անգամ ընդգծել է, որ ԿԺԴՀ-ի հետ հարաբերություններում «ընտրության բոլոր տարբերակները սեղանի վրա են»՝ ներառյալ ռազմական լուծման տարբերակը:
Փենսը նշել է, որ ԱՄՆ-ը ուժեղացնելու է ճնշումը Հյուսիսային Կորեայի վրա այնքան ժամանակ, քանի դեռ չկա «ամբողջական, ապացուցելի եւ անշրջելի ապամիջուկայանացում»:
Փենսն ու Աբեն եկել են միասնական տեսակետի, որ անհրաժեշտ է միջոցներ ձեռնարկել ՄԱԿ-ի ԱԽ բանաձեւերը շրջանցելու Հյուսիսային Կորեայի փորձերի դեմ:
Լուրեր Հայաստանից - NEWS.am