Աշխարհի ամենահարուստ մարդու՝ Ջեֆ Բեզոսի կարողությունն ավելացել է ևս 20 մլրդ դոլարով
Ամերիկյան Amazon ընկերության ղեկավար Ջեֆ Բեզոսը, որը 2017թ. վերջին ճանաչվել է աշխարհի ամենահարուստ մարդն ու առ այսօր կրում է այդ կոչումը, իր կարողությունն ավելացրել է ևս 20 մլրդ դոլարով:
Ինչպես նշում է The Daily Mail-ը, դա տեղի է ունեցել, երբ ընկերությունը հրապարակել է 2017թ. վերջին ֆինանսական եռամսյակի հաշվետվությունը՝ արձանագրելով շահույթի կտրուկ՝ 38% աճ:
Հայտնի է, որ ընկերության շահույթը գերազանցել է 60.5 մլրդ դոլարը:
Աղբյուրը մանրամասնում է, որ ընկերությունը շահույթի նման աճ է արձանագրել ձայնային հրահանգներով կառավարվող Echo սարքերի բարձր վաճառքի, առցանց գնումների ծավալի մեծացման, ինչպես նաև Amazon-ի «ամպային» բիզնեսի՝ Amazon Web Services-ի զարգացման շնորհիվ:
Հայտնի է, որ Բեզոսն այժմ ունի ավելի քան 119 մլրդ դոլար: