Ինչու՞ են մարդիկ վստահում անծանոթներին
Անծանոթին վստահելը կամ չվստահելը կախված է տվյալ մարդու ծանոթների որեւէ մեկի հետ անծանոթի նմանությամբ, հայտնել են Նյու Յորքի համալսարանի հոգեբանների խումբը, փոխանցում է Gazeta-ն՝ վկայակոչելով на Proceedings of the National Academy of Sciences-ը։
Հետազոտության առաջին հատվածում 91 կամավորներ պետք է որոշեին ցուցադրված լուսանկարներում պատկերված գործընկերներից որ մեկին կվստահեն իրենց գումարը՝ պայմաններով՝ գործընկերոջը փոխանցած գումարը քառապատկվելու էր եւ գործընկերը կամ կկիսվեր գումարը, կամ ամբողջ գումարը իրեն կպահեր։ Գործընկերներից մեկը 93 տոկոս դեպքերում կիսվել է գումարը, մյուսը՝ 60 տոկոս, երրորդը՝ միայն 7 տոկոս։
Երկրորդ փորձի ժամանակ մասնակիցները պետք է ընտրեին գործընկերոջը երեք նոր լուսանկարներից։ Իրականում դրանք նույն լուսանկարներն էին, բայց համակարգչային գրաֆիկայի միջոցով փոփոխված։ Մասնակիցները հակված են եղել ընտրել այն գործընկերոջը, որը ազնվորեն բաժանել էր գումարը։
Գիտնականները նաեւ վերլուծել էին մասնակիցների ուղեղի ակտիվությունը։ Երկու փորձերի պարագայում էլ ակտիվացել է ուղեղի նույն հատվածը՝ մասնավորապես, նշաձեւ մարմինը, որը պատասխանատու է որոշումների ընդունման եւ էմոցիոնալ արձագանքի համար։