Ռուսաստանի ՍԴ-ը հրաժարվեց քննել Նավալնու բողոքը ընտրությունների օրենքի դեմ
Այս թեմայով
- Ռուս ընդդիմադիր գործիչ Ալեքսեյ Նավալնին բանտում մահացել է
- Սիրիայում ՌԴ–ի հետ հակասությունը C-400–ների վրա չի ազդի
- Ռուսաստանը Թուրքիային կոչ է անում խստորեն կատարել Իդլիբի վերաբերյալ Սոչիի համաձայնագիրը․ Լավրով
- Ռուսաստանի հետ համատեղ հերթապահությունը կսկսվի մոտ ժամանակներս.Թուրքիայի պաշտպանության նախարար
Ռուսաստանի Սահմանադրական դատարանը մերժել է քննել ընդդիմադիր Ալեքսեյ Նավալնու բողոքը ընտրությունների մասին դաշնային օրենքի դեմ, որն արգելում է չմարված դատվածություն ունեցող թեկնածուներին առաջադրվել:
Դատարանը որոշումը կայացրել է շատ օպերատիվ՝ բողոքը ներկայացնելուց երեք օր անց: Նավալնու փաստաբանը նշել է, որ նման արագություն մինչ օրս արձանագրվել է միայն մեկ անգամ, երբ նախագահ Վլադիմիր Պուտինն էր դիմել Սահմանադրական դատարան՝ բռնակցված Ղրիմի հարցով:
Անցած տարեվերջին Ռուսաստանի Կենտրոնական ընտրական հանձնաժողովը մերժեց գրանցել ընդդիմադիր Նավալնու թեկնածությունը մարտին կայանալիք նախագահական ընտրություններում՝ պատճառաբանելով, թե նա պայմանական ազատազրկման է դատապարտված «Կիրովլես»-ի վիճահարույց գործով:
Հիշեցնենք, ԿԸՀ-ի դեմ ընդդիմադիր գործչի հայցը ավելի վաղ մերժել է Ռուսաստանի Գերագույն դատարանը: