ԵՄ-ն լուրջ կասկածներ ունի ադրբեջանցի լրագրողի նկատմամբ կայացված դատավճռի հարցում
Եվրամիությունը լուրջ կասկածներ ունի ադրբեջանցի լրագրողի նկատմամբ կայացված դատավճռի հարցում
Ադրբեջանցի լրագրող Աֆղան Մուխթարլըին վեց տարվա ազատազրկման դատապարտելու վճիռը լուրջ հարցերի տեղիք է տալիս Ադրբեջանում հիմնական իրավունքների, այդ թվում՝ կարծքների արտահայտման ու ԶԼՄ-ների ազատության, հարգման պատշաճ իրավական ընթացակարգի հարցում: Այդ մասին հայտարարել է Եվրոպայի արտաքին քաղաքական ծառայության պաշտոնական ներկայացուցիչը:
«Վրաստանում Մուխթարլըի ենթադրյալ առեւանգումը, որն ուղեկցվել է նրա ձերբակալմամբ եւ Ադրբեջանում դատական հետապնդմամբ, մանրակրկիտ ու թափանցիկ հետաքննություն է պահանջում»,- ընդգծվում է հաղորդագրության մեջ, որը հունվարի 14-ի երեկոյան տարածվել է Բրյուսելում:
Պաշտոնական ներկայացուցչի խոսքով՝ «հիմնական իրավունքների իրագործման հետ կապված ազատազրկման բոլոր դեպքերը պետք է շտապ կարգով քննվեն Ադրբեջանի կողմից, ինչին պետք է հաջորդի համապատասխան բոլոր անձանց ազատումը՝ նրա միջազգային պարտավորությունների համաձայն», հաղորդել է «Ինտերֆաքս»-ը: