Փոթորիկը պատմական շենքն ԱՄՆ-ից Կանադա է քշել. ամերիկացիները փորձում են վերադարձնել այն
ԱՄՆ-ի Մեն նահանգի Լյուբեք քաղաքում գտնվող պատմական շինությունը փոթորկի հետևանքով հայտնվել է Կանադայի տարածքում: Այժմ ամերիկացիները պայքարում են, որպեսզի շինությունը վերադարձնեն:
Միջադեպը տեղի է ունեցել հունվարի 4-ին: Ուժգին փոթորիկը քանդել է ամրաձողերը, որոնց վրա գտնվում էր կառույցը: Դրա հետևանքով շինությունը հայտնվել է Ֆանդի ծոցում ու քշվել Կանադայի ուղղությամբ:
Big Picture-ը հավելում է, որ տվյալ շինությունը ներառված է ԱՄՆ-ի պատմական վայրերի ազգային ռեեստրում: Այն Միացյալ Նահանգներում ապխտած տառեխի արտադրման վերջին ավանդական գործարանն էր:
Լյուբեքի պատմական վայրերի պահպանմամբ զբաղվող Lubec Landmarks կազմակերպությունը փորձում է շինությունը վերադարձնել, սակայն բյուրոկրատական քաշքշուկը չափից շատ ժամանակ է խլում: