Ոստիկանները պարտքերի պատճառով 93-ամյա տատիկին ծերանոցից դուրս են հանել (Տեսանյութ)
Համացանցում 93-ամյա ամերիկուհու ձերբակալման տեսանյութն է հայտնվել, որին ոստիկանությունը բռնի ուժով դուրս է հանել ծերանոցից, հաղորդում է WKMG News 6-ը:
Դեպքը տեղի է ունեցել նախօրեին, հանրակացարանի տիրուհին կանչել էր 6 ոստիկանի: Կինը հայտնել է, որ Խուանիտա Ֆիցջերալդը 3 ամիս չի վճարել բնակարանի վարձը՝ բացատրելով, որ շուտով կմահանա: Ֆիցջերալդը նաեւ բողոքել է տարածքում առկա բորբոսից:
Ոստիկանների ժամանումից հետո, թոշակառու կինն ասել է, որ ոչ մի տեղ չի գնա: Ի վերջո ոստիկանները նրան ուժով տարել են բաժանմունք, որտեղ կալանավորի նարնջագույն համազգեստ եւ ձեռնաշղթաներ են հագցրել:
2 օր անց նա դատական նիստին ներկայանալու պայմանով ազատ է արձակվել: