Ռուսաստանցիների մեկ քառորդը խոստովանել է պաշտոնյաներին կաշառք տալու մասին
Ռուսաստանի գլխավոր դատախազության կայքում անցկացված վիրտուալ հարցման մասնակիցների 25 տոկոսը խոստովանել են, որ չինովնիկներին կաշառք են տվել: 15 տոկոսը հրաժարվել են պատասխանել հարցին: Այս տվյալները պետական ՏԱՍՍ գործակալությանը փոխանցել է դատախազության հակակոռուպցիոն վարչության պետ Ալեքսանդր Ռուսեցկին:
ՌԴ ներքին գործերի նախարարության գնահատմամբ՝ 2016 թվականին Ռուսաստանում կաշառքի միջին չափը աճել է 75 տոկոսով:
Ըստ Transparency International միջազգային կազմակերպության՝ ռուսաստանցիների մեկ երրորդը հայտնել են, որ վերջին 12 ամիսների ընթացքում առնվազն մեկ անգամ կաշառք են տվել: Կազմակերպության կոռուպցիայի ընկալման 2016-ի տարեկան զեկույցում Ռուսաստանը 131-րդ տեղում է: