Ուզբեկստանի պատմության մեջ առաջին անգամ համաներում կլինի
Ուզբեկստանի նախագահ Շավքաթ Միրզիյոևը երկրի պատմության մեջ առաջին անգամ համաներման մասին հրամանագիր է ստորագրել:
Համաներումը տարածվում է 2700 անձի վրա, մասնավորապես՝ 950 հոգի ազատ կարձակվեն բանտերից:
Միրզիյոևը նման որոշում է կայացրել Ուզբեկստանի Սահմանադրության ընդունման 25-ամյակի կապակցությամբ:
Մի քանի լրագրողներ, քաղաքական գործիչներ, որոնք, իրավապաշտպանների պնդմամբ, քաղբանտարկյալներ էին, Միրզիյոևի՝ նախագահի պաշտոնը ստանձնելուց հետո ազատ են արձակվել:
Անցած հոկտեմբերին հեղինակավոր Human Rights Watch իրավապաշտպան կազմակերպությունը հայտարարել է, թե Միրզիյոևի պաշտոնավարման մեկ տարվա ընթացքում մարդու իրավունքների ոլորտում «որոշ դրական քայլեր» են ձեռնարկվել: