Մերկ ամերիկուհիներն իրենց մարմնի վրա նկարված հագուստով մարզադահլիճ են այցելել՝ մարդկանց արձագանքը ստուգելու համար (տեսանյութ)
Ամերիկյան Բալթիմոր քաղաքում երկու կին ուշագրավ փորձարկում են իրականացրել: Կրելով միայն մարմնագույն ու առաջին հայացքից անտեսանելի վարտիքներ՝ նրանք հմուտ նկարիչների օգնությամբ մերկ մարմինները ծածկել են նկարված հագուստով ու այդպես գնացել մարզասրահ:
Ինչպես նշում է The Daily Mail կայքը, 30-ամյա Սառա Ռայլին ու Մարիա Լուչիոտին սկսել են անկաշկանդ շրջել տարածքով՝ այդպիսով փորձելով ստուգել մարզասրահի մյուս այցելուների արձագանքը:
Առաջին հայացքից տպավորություն է ստեղծվում, թե կանայք կրում են սպորտային լեգինսներ ու կրծկալներ, որոնք իրականում տաղանդավոր նկարիչների աշխատանքի արդյունք են:
Ի զարմանս կանանց՝ սկզբում մարզասրահում որևէ մեկը չի նկատել նրանց «հագուստի» առանձնահատկությունը: Դրանից հետո նրանք խնդրել են մարզչին ավելի ուշադիր զննել իրենց հագածը: Միայն դրանից հետո մարզիչը գլխի է ընկել, որ այդ ամենը բոդի արտի արդյունք է: