Ձմեռ պապը ցանկանում է սեփական կրիպտոարժույթ թողարկել
Մեծ Ուստյուգից ռուսական Ձմեռ պապը հայտարարել է, որ ընկերների խորհրդով ցանկանում է թողարկել էլեկտրոնային փողի իր տարատեսակը, ինչպես նաեւ կրիպտոարժույթի մայնինգ ֆերմա ստեղծել, փոխանցում է «ՌԻԱ Նովոստի»-ն:
«Ես շատ երկար եմ ապրում եւ չեմ հիշում, թե քանի տարեկան եմ, բայց ուզում եմ ժամանակին համընթաց քայլել: Հիմա աշխարհը էլեկտրոնիկան է կառավարում, եւ ընկերներս խորհուրդ են տալիս սեփական կրիպտոարժույթ թողարկել: Ես մտածում եմ այն, օրինակ, «դեդուլկի» անվանել: Բայց էլեկտրոնիկան որքան էլ զարգանա, ես, միեւնույն է, ձեռագրով գրված նամակներն ավելի շատ եմ սիրում»,- ասել է Ձմեռ պապը, որը հիմա այցով Նիժնի Նովգորոդում է:
Նա հավելել է, որ Մեծ Ուստյուգում իր նստավայրի ջեռուցման համար ցանկանում է մայնինգ ֆերմա ստեղծել: