ԱՄՆ տրանսպորտային ինքնաթիռի կործանումից հետո 8 հոգու հաջողվել է փրկել
Ֆիլիպինյան ծովում վթարի ենթարկված ԱՄՆ ռազմածովային ինքնաթիռի 11 անդամներից ութը փրկվել են: Այս մասին նոյեմբերի 22-ին հայտնել է Ճապոնիայի պաշտպանության նախարարությունը: Ըստ գերատեսչության՝ նրանց վիճակը «նորմալ» է գնահատվում: Շարունակվում են եւս երեք հոգու որոնումները, հաղորդում է DW-ն:
Աղետը տեղի է ունեցել Ճապոնական Օկինավա կղզուց հարավ-արեւելք գտնվող Ֆիլիպինյան ծովում: Ենթադրվում է, որ վթարի պատճառը շարժիչի հետ կապված խնդիրն է: Տրանսպորտային ինքնաթիռը Ճապոնիայում ամերիկյան Իվակունի ռազմակայանից ուղեւորվում էր դեպի «Ռոնալդ Ռեյգան» ավիակիր:
Անհետ կորածների որոնումներն իրականացնում են ԱՄՆ եւ Ճապոնիայի ռազմածովային ուժերի նավերը: