Բակո Սահակյանը մեկնել է Ֆրանսիա
Այս թեմայով
- Որքա՞ն ժամանակ կպահանջվի՝ արցախցիներին բնակարանով ապահովելու համար․ Գեղամ Նազարյան
- Ադրբեջանի մշակութային ցեղասպանության հերթական զոհն է դարձել ազգային գործիչ Ալեք Մանուկյանի արձանը
- Այսօր Արցախյան շարժման 36-ամյակն է
- «Արցախի կորուստ, համազգային ճգնաժամ. գոյապայքար ՀՀ պետականության համար». կայացել է «Հայ դատն այսօր» 15-րդ խորհրդաժողովը
Լեռնային Ղարաբաղի նախագահ Բակո Սահակյանի գլխավորած պատվիրակությունը նոյեմբերի 19-ին աշխատանքային այցով մեկնել է Ֆրանսիա։
Ըստ Ղարաբաղի նախագահի պաշտոնական կայքէջի, նույն օրը Բակո Սահակյանը Փարիզում այցելել է Ֆրանսիայում «Հայաստան» համահայկական հիմնադրամի կողմից կազմակերպված հեռախոսամարաթոնի կենտրոն, հանդիպել հիմնադրամի տեղական կառույցի պատասխանատուների և գործընթացում ընդգրկված երիտասարդ կամավորների հետ:
ԼՂ նախագահը բարձր է գնահատել համահայկական հիմնադրամի Ֆրանսիայի մասնաճյուղի մասնակցությունը Լեռնային Ղարաբաղում տարբեր ծրագրերի իրականացման գործում, շնորհակալություն հայտնել հեռախոսամարաթոնի կազմակերպման մեջ ներգրավված մարդկանց՝ նրանց կատարած աշխատանքի, Լեռնային Ղարաբաղի նկատմամբ ընդգծված վերաբերմունքի, նրա հոգսերով ապրելու և մշտական աջակցության համար: