Մոսկվայում տաքսիի հաճախորդը կրակել է տրավմատիկ զենքից վարորդի ուշանալու պատճառով
Մոսկվայի կենտրոնում «Яндекс.Такси» տաքսի ծառայության հաճախորդը կրակել է տրավմատիկ զենքից ուշացած վարորդի պատճառով, հայտնում է «Մոսկվա» գործակալությունը՝ վկայակոչելով իրավապահ մարմիններում աղբյուրին:
Հաղորդվում է, որ դեպքը տեղի է ունեցել Բակունինսկայա փողոցի վրա այն բանից հետո, երբ հաճախորդը հանդիմանել է վարորդին ուշանալու համար:
«Պատվերը չեղարկվել է, ինչից հետո տաքսիստը շփումը շարունակելու համար երկու ծանոթ է բերել: Հաճախորդն իր հերթին հանել է տրավմատիկ ատրճանակը և չորս անգամ կրակել, ինչի հետևանքով վարորդի ծանոթներից մեկը ազդրի թեթև վնասվածք է ստացել»,- ասել է աղբյուրը:
Նրա խոսքերով՝ տուժածին բժշկական օգնություն չի պահանջվել:
Տաքսի ծառայության ներկայացուցիչները հայտնել են, որ տեղի ունեցածի մասին տեղեկացել են մամուլից և այժմ պարզում են վարորդի և հաճախորդի տվյալները: