Վթար «Վանաձոր Քիմպրոմ»-ում. տեխնիկական ջուրը հոսում է փողոց
«Վանաձոր Քիմպրոմ» ընկերության տարածքում այսօր՝ նոյեմբերի 8-ի առավոտյան հերթական վթարն է տեղի ունեցել: Լոռիում NEWS.am-ի թղթակիցը հաղորդում է, որ վթարը տեղի է ունեցել ջրի մեծ խողովակի վրա, ինչի արդյունքում ժամեր շարունակ քիմգործարանից ջրի արտահոսք է եղել:
Դեպքի վայր են ժամանել Լոռու մարզային փրկարարական ջոկատը` վարչության պետ Կարեն Հովհաննիսյանի գլխավորությամբ, ովքեր այցելել են նաեւ գործարանի տարածք ու համապատասան մարդկանց հանձնարարել վերացնել վթարը: Վարչության պետի փոխանցմամբ` թափված ջուրն իր մեջ վտանգավոր նյութեր չի պարունակում:
Հիշեցնենք, որ ամիսներ առաջ կրկին ջրագծի վթար էր գրանցվել գործարանի տարածքում: