Էրդողանը եւ Ալիեւը հանդիպել են Բաքվում եւ քննարկել Արցախի հարցը
Այս թեմայով
- Իսրայելի հանցագործությունների մասին ՄԱԿ-ի դատարանում զգալի ապացույցներ են ներկայացվել. Թուրքիայի ԱԺ նախագահ
- Թուրքիան պատրաստ է համակողմանի օգնել ՌԴ և Ուկրաինայի միջև բանակցությունների կազմակերպմանը
- Հայաստանի և Ադրբեջանի ԱԳ նախարարների հանդիպումը կկայանա փետրվարի 28-29-ը Բեռլինում. ԱԳՆ խոսնակ
- ԱՄՆ-ն «ձեռքերը լվացել է» Հայաստան-Ադրբեջան բանակցային գործընթացից. Արթուր Խաչատրյան
Այսօր Բաքվում կայացել է Ադրբեջանի նախագահ Իլհամ Ալիևի և Թուրքիայի նախագահ Ռեջեփ Էրդողանի առանձնազրույցը:
Ինչպես հաղորդում է APA լրատվական գործակալությունը՝ վկայակոչելով Ադրբեջանի նախագահի մամուլի ծառայությունը, հանդիպման մասնակիցները գոհունակություն են արտահայտել «երկու երկրների միջև բոլոր բնագավառներում բարեկամական և եղբայրական կապերի հաջող զարգացման առնչությամբ», ընդգծել են Ռազմավարական համագործակցության բարձր մակարդակի խորհրդի 6-րդ նիստի կարևորությունը կապերի հեռանկարների որոշման և երկկողմ հարաբերությունների է՛լ ավելի խորացման տեսակետից, Բաքու-Թբիլիսի-Կարս երկաթուղու նշանակությունը, որը «գլոբալ նախագիծ է», մտքեր են փոխանակել փոխադարձ հետաքրքրություն ներկայացնող հարցերի շուրջ:
Հիշեցնենք՝ երեկ Ադրբեջանի մայրաքաղաքում կայացել է 900-կիլոմետրանոց Բաքու-Թբիլիսի-Կարս երկաթուղու բացման հանդիսավոր արարողությունը, որին մասնակցել են Ադրբեջանի, Թուրքիայի և Ղազախստանի նախագահները, Վրաստանի և Ուզբեկստանի վարչապետները։