Ինչպե՞ս է պետք լվանալ մրգերը
ԱՄՆ գիտնականները խնձորի օրինակով պարզել են, թե ինչպես է պետք լվանալ մրգերը, դրանց վրայից քիմիկատները մաքրելու համար։ Հետազոտությունը հրապարակվել է Journal of Ag8iculturak and Food Chemistry ամսագրում, հայտնում է Ամերիկյան քիմիական միությունը։
Մի շարք փորձարկումներ կատարելով՝ գիտնականները ցույց են տվել, որ տիաբենդազոլն ու ֆոսմետը մաքրելու լավագույն միջոցը սննդի սոդայի մեկ տոկոսանոց լուծույթն է։ Խնձորը 12 րոպե լվանալու դեպքում դրա մակերեսից կմաքրվի տիաբենդազոլի 80 տոկոսը, իսկ 15 րոպեում՝ ֆոսմետի 96 տոկոսը։
Ժամանակային տարբերությունը պայմանավորված է խնձորի կեղեւի մեջ քիմիկատների ներթափանցման խորությամբ (տիաբենդազոլի ու ֆոսմետի համար՝ համապատասխանաբար 80 եւ 20 միկրոմետր)։
Խնձորը կտորով սրբելը կօգնի մաքրել փոշին ու կեղտի խոշոր մասնիկները , բայց դա անօգուտ է քիմիկատները մաքրելու տեսակետից, նշում են փորձագետները։ Հոսող ջրով կամ Clorox-ի լուծույթով լվանալը նույնպես շատ արդյունավետ չեն քիմիկատները խնձորի վրայից մաքրելու տեսակետից։