Կոնկրետ հարցին չպատասխանելը երբեմն արդեն պատասխան է
Կոնկրետ հարցին չպատասխանելը երբեմն արդեն պատասխան է, որը լրագրողը կարող է ցանկացած ձեւով մեկնաբանել, վերլուծել քննարկել։ Կարծում եմ արդար չէ՝ մեղադրել նախարարին հարցից խուսափելու համար։ Բացի այդ, մեղադրել ՊՆ-ին եւ անձամբ նախարարին լրատվամիջոցների հետ փակ լինելու համար՝ ազնիվ չէ։ Ես որքան հիշում եմ Վիգեն Սարգսյանը միայն այս տարի մի քանի ծավալուն ասուլիսներ է տվել, որոնց ընթացքում հարցերի քանակի եւ բովանդակության առումով որեւէ սահմանափակում չի եղել։ Պատասխանել է բոլոր հարցերին, նույնիսկ բամբասանքներին։ Հիմա պաշտպանության նախարարին բառի ուղիղ իմաստով դեմ տալ պատին ու ձայնագրիչները համարյա բերանը մտցնելով ստիպել, որ հարցերի պատասխանի՝ մեղմ ասած սիրուն չէ։ Բացի այդ՝ նախարարի նկատողությունից նեղվելուց առաջ շատ լրագրողներ նախ թող նեղվեն լֆիկի, շմայսի եւ մյուս բռնաբարների նվաստացումներից, երբ դրանց դեմը պպզած հարցերի պատասխաններ են մուրում, իսկ դրանք էլ բառի բուն իմաստով ղժում ու նվաստացնում են էդ լրագրողներին։
Հ.Գ. sorry, եթե նեղացրի որոշ գործընկերների, կամ «գործընկերների»
Մկրտիչ Իսրայելյանի ֆեյսբուքյան էջից