«Հրե ծիածան» Թաիլանդի երկնքում (լուսանկարներ, տեսանյութ)
Բրիտանական The Daily Mail պարբերականը հրապարակել է ուշագրավ տեսանյութ, որն արվել է Թաիլանդի Չիանգմայ նահանգում ու ցույց է տալիս բնական հազվագյուտ երևույթներից մեկը՝ «հրե ծիածանը»:
Ֆիքսված կադրերում երևում է՝ ինչպես է ավանդական կամարաձևի փոխարեն անկանոն տեսքով ծիածանը տարբեր գույներով լուսավորում ամպերով պատված երկինքը:
Պարբերականը մանրամասնում է, որ տվյալ երևույթը տեղի է ունենում, երբ արևի լույսը փայլելով անցնում է մթնոլորտում եղած սառցային բյուրեղների միջով:
«Դա ուղղակի ցնցող տեսարան էր: Նախկինում նման բան չէի տեսել: Բոլորը հմայված երկնքին էին նայում, որտեղ, կարծես, հատուկ էֆեկտներն էին երևում»,-պատմել է տեսանյութի հեղինակը: