Իսպանիայի կառավարությունն ու ընդդիմությունը 2018-ին Կատալոնիայում արտահերթ ընտրություններ կանցկացնեն
Ընդդիմադիր Իսպանական Սոցիալիստական Կուսակցությունն ու Իսպանիայի կառավարությունը 2018-ի հունվարին Կատալոնիայում արտահերթ ընտրությունների անցկացման շուրջ պայմանավորվածություն են ձեռք բերել։ Այդ մասին հաղորդում է «Ինտերֆաքսը»՝ հղում անելով իսպանական El pais պարբերականին։ Սոցիալիստական կուսակցության անդամ Կարմեն Կալվոյի խոսքով՝ որոշումը կայացվել է տարածաշրջանում անմիջական կառավարման ժամանակավոր հաստատմանն ուղղված միջոցառումների շրջանակներում։
Ակնկալվում է, որ հոկտեմբերի 21-ին կկայանա Իսպանիայի նախարարների խորհրդի արտահերթ նիստ, որտեղ կքննարկվի Կատալոնիայում ինքնավարության դադարեցման հարցը։