1USD = AMD
1EUR = AMD
1RUB = AMD
Այսօր՝ 23 նոյեմբերի 2017թ., 00:00
Թուրքիայի նախագահը 65 տարի անց կրկին կմեկնի Հունաստան Սերժ Սարգսյանը Բրյուսելում հանդիպել է «Հայաստանի եվրոպացի բարեկամների» հետ Սանկտ Պետերբուրգում բռնաբարել են երկու տասներորդ դասարանցիների Ֆելայնին հոգնել է Մոուրինիոյի կամակորություններից ՌԴ ԱԳՆ-ն մեկնաբանել է Ղարաբաղի հարցի շուրջ «Պուտինի պլանի» մասին լուրերը Սերժ Սարգսյանը հանդիպել է Բելգիայի թագավոր Ֆիլիպի հետ «Բարսելոնան» եւ «Յուվենտուսը» կխաղան հաջորդ փուլում Կինը մերկ մտավ առեւտրի կենտրոն, բայց ոչ բոլորը դա նկատեցին (Տեսանյութ) «Չելսին» չսիրեց Ադրբեջանի չեմպիոնին Եկատերինա Կլիմովան իր երկրպագուներին ուրախացրել է անկեղծ լուսանկարով Իրանը կատարում է միջուկային գործարքի պարտավորությունները Կելտերի սխալը չներեցին փարիզցիները Միջազգային կազմակերպությունները Իլհամ Ալիեւից պահանջում են վերջ դնել բռնաճնշումներին Մերկանում են արդեն նաեւ ղազախ դերասանուհիները Թուրքիան Գյուլենին արտահանձնելու համար 7 անգամ դիմել է ԱՄՆ–ին Ինչու Մոուրինիոն չի սիրում Մխիթարյանին Պուտինը վայր է գցել Էրդողանի աթոռը Եղանակը Հայաստանում Սերենա Ուիլյամսը ցուցադրել է Ալեքսիս Օհանյանից ստացած 2 մլն դոլարանոց ամուսնական մատանին Ամերիկահայ գրող Փիթեր Բալաքյանը ու այլազգի 55 մտավորականներ նամակ են հղել Էրդողանին ՌԴ Պետական դումայի նախագահը չեղյալ է համարել Ադրբեջան այցը ՆԱՏՕ-ն անհանգստացած է ԼՂ հակամարտությունով Ռուսաստանի ֆուտբոլի ազգային հավաքականի դարպասապահը պատմել է, որ իր մայրը հայուհի է Երկամյա որակազրկումից հետո ծանրորդ Հռիփսիմե Խուրշուդյանի հաջորդ մրցումը կլինի ԱԱ 2018-ը Հայաստանի զարգացման հեռանկարների մասին. Ինչ է հուշում համաշխհարային փորձը Մաս 1 Ձյունամրրիկի միջով դպրոցից տուն վերադարձող յակուտացի աշակերտների տեսանյութը զարմացրել է համացանցի օգտատերերին (տեսանյութ) Սոչիում միջադեպ է տեղի ունեցել Իրանի ու Թուրքիայի պատվիրակությունների միջև Բրյուսելում հանդիպել են ՆԱՏՕ-ի գլխավոր քարտուղարը և Ադրբեջանի նախագահը Դատախազ եղբայրները ծեծի են ենթարկել քննիչին Հոգնել է իր անվան հետ կապված աղմուկից. Արմեն Ջիգարխանյանի ընկերը հերքել է նրա հոսպիտալացման մասին լուրը Բենզինը կրկին թանկացել է Հրդեհ Վանաձորում ռեստորաններից մեկում Աշխատավարձով ապրող ամենաաղքատ կամ ամենաստվերային թաղապետերը Ռուսաստանի, Թուրքիայի ու Իրանի նախագահների հանդիպումից հետո համատեղ հայտարարություն է հրապարակվել Կալիֆորնիայում երեք արջ զբոսնել են առեւտրի կենտրոնում Վանաձորում գնացքն անցել է 26-ամյա տղայի վրայով. վերջինս ողջ է մնացել Կառլես Պուչդեմոնը հրաժարվել է տարեկան 112 հազար եվրո թոշակից Ալեքսիս Օհանյանի անակնկալը Սերենա Ուիլյամսին․ «Ամեն ինչ իմ թագուհու համար» 14 մլն դոլար՝ վեց օրում. Քիմ Քարդաշյանի օծանելիքն ամբողջությամբ սպառվել է Ռադայի պատգամավորը ուղիղ եթերում փորձել է ծեծել Սաակաշվիլիին Պետք է շունչներս պահած սպասենք, թե ինչպես է Հայաստան-ԵՄ համաձայնագիրն իրագործվելու. Էլինար Վարդանյան Հիշողություն ունեցող մետաղով բացառիկ վիրահատություններ Արամյանց ԲԿ-ում Մայրը որդու համար մերկապարուհի է պատվիրել (Տեսանյութ) Ռուսաստանը ՄԱԿ-ում մերժում է Սիրիայի հարցով Արևմուտքի կազմած բանաձևերը Հռոմի Պապը հաջորդ տարի կայցելի Բալթյան երկրներ Զիմբաբվեի ապագա նախագահը «ժողովրդավարության նոր էջ» է խոստանում ԱՄՆ-ում Ռուսաստանի դեսպանատան դիմացի փողոցը կարող է անվանակոչվել «Բորիս Նեմցով Պլազա» Պուտինը, Ռոհանին եւ Էրդողանը համաձայնել են Սիրիայի հարցով կոնգրես կազմակերպել Ովքեր են օրենքով գողերը Շոտլանդիայում գողը մտնելով տուն՝ հոգնածությունից քնել է Ամեն ինչ պարզ է. մենք երկու ճանապարհ ունենք Դոնալդ Թրամփն ազդել է կանանց նորաձեւության, սակայն չի ազդել տղամարդկանց նորաձեւության վրա Թուրքիայում օտարերկրյա գործակալները ճղած ջինսերի միջոցով են միմյանց ճանաչում Տոկիոյում տղամարդուն հյուրանոցում օրգիաներ կազմակերպելու համար կալանավորել են Ձմռան ցրտին դիմակայելու համար հովտամեջցիները բանկերի դուռը կթակեն Ձերբակալված սաուդյան արքայազններին խոշտանգում են Եթե մերն է` վատն է, եթե ամերիկացիներինը, արաբներինը կամ եվրոպացիներինը` անթերի Որքան գումար է ծախսելու ԿԲ-ն երրորդ սերնդի թղթադրամների տպագրության համար Հայաստանի որոշ ճանապարհներին տեղ-տեղ մերկասառույց է Արմեն Ջիգարխանյանին շտապ հոսպիտալացրել են. նա չի կարողանում քայլել ՀՀ-ԵՄ համաձայնագրի ստորագրումը հնարավոր է հետաձգվել մեկ օրով. Մեղավորն Ադրբեջանն է Ադրբեջանը տապալում է Լավրովի ծրագիրը Ինչ ունեցվածք ունի Արսենյան ընտանիքը Սամվել Ալեքսանյանի մերձավորների մտերիմները մեծ թափով շինարարութուն են սկսել ՀՀ-ԵՄ համաձայնագիրը կստորագրվի Отец, гордимся тобой. Վարչապետի խորհրդականի հայրը` հյուպատոս Ձվի գինը հասավ 90 դրամի Փոխմարզպետն ունի երկուական հողամաս ու առանձնատուն Այսօր Սերժ Սարգսյանը կմեկնի Բելգիա ԱԺ աշխատակազմը կկրճատվի Տարոն Մարգարյանը 100 հազարական դրամով պարգևատրել է տրանս­պորտի վարչության 7 աշխատակցի Իշխանական կուլիսներում ներքին որո­շում է կայացվել, որ 2018-ին առաջին փոխվարչապետի ինստիտուտ չլինի ԱՄՆ տրանսպորտային ինքնաթիռի կործանումից հետո 8 հոգու հաջողվել է փրկել Եգիպտոսում 29 մարդ Թուրքիայի օգտին լրտեսության կասկածանքով կալանավորվել է Թբիլիսիում հատուկ գործողությունն ավարտված է Թուրքիայի եւ Իրանի նախագահները հանդիպել են Սոչիում Տավուշում նորածնի սպանության կասկածանքով տատը ձերբակալվել է Սերժ Սարգսյանն ուղերձ է հղել Լեոնիդ Ազգալդյանի ծննդյան 75-ամյակի առթիվ Հենրիխ Մխիթարյանին ընդգրկել է Եվրոպայի 50 լավագույն ֆուտբոլիստների թվում Թբիլիսիում հատուկ նշանակության ջոկատայինները վերսկսել են շենքի գրոհը (Տեսանյութ, լուսանկարներ)
Հարցում

21-րդ դարում Հայաստանը դեռ աղբավայրեր է կառուցում, այն էլ` վարկերով

21-րդ դարում Հայաստանը դեռ աղբավայրեր է կառուցում, այն էլ` վարկերով: Այս մասին հայտարարություն է տարածել Հայկական բնապահպանական ճակատը:

Հաղորդագրության մեջ ասվում է.

«Հայաստանում իհարկե գոյություն ունեն մասնավոր ընկերություններ, որոնք զբաղվում են վերամշակմամբ՝ մեկը թղթի, մյուսը պոլիէթիլենային տոպրակների ու պլաստիկ շշերի, որոշները մարտկոցների, մետաղների եւ այլն: Ու թեեւ տեղային լուծումները ավելի լավ են, քան դրանց իսպառ բացակայությունը, այնուամենայնիվ, համակարգային մոտեցումը միակ տարբերակն է ոչ միայն աղբի վերամշակման խնդիրն արագորեն լուծելու, այլ նաեւ հանրության շրջանում աղբի հանդեպ զգուշավոր վերաբերմունք ձեւավորելու, աղբը տեսակավորելու, իրերը վերօգտագործելու նպատակով:

Իսկ արագ գործելն անհրաժեշտություն է, քանի որ արագ են նաեւ հողերի, ջրերի եւ օդի աղտոտման տեմպերը, ուստի եւ այս հարցին լուծում տալը բխում է բոլորիս՝ առողջ միջավայրում ապրելու կարիքից:

Սակայն Հայաստանում համակարգային, պետական մակարդակով ոչ միայն մինչ օրս չի տրվել լուծում աղբի վերամշակման խնդրին, այլեւ նորնորանոր վարկեր են տրամադրվում Հայաստանին «ավանդական» աղբավայր կառուցելու համար:

2015թ. հուլիսին Վերակառուցման եւ զարգացման եվրոպական բանկի եւ Երեւանի քաղաքապետարանի միջեւ ստորագրվել է վարկային պայմանագիր, որով բանկը տրամադրում է 8 միլիոն եվրոյի վարկ (քաղաքապետարանի ենթակայության տակ գտնվող մասնավոր ընկերությանը) Նուբարաշենի կողքին նոր աղբավայր կառուցելու համար: Լրացուցիչ 8 միլիոն եվրո վարկ տրամադրում է նաեւ Եվրոպական ներդրումային բանկը եւ եւս 8 միլիոն եվրո էլ տրամադրվում է ԵՄ Հարեւանության ներդրումային գործիքի կողմից գրանտի տեսքով: Նպատակն է` Նուբարաշենի չկարգավորվող աղբատեղին «տեխնիկական եւ բնապահպանական անթույլատրելի ստանդարտներից վերածել նոր սանիտարական աղբավայրի, որը կհամապատասխանի ԵՄ ստանդարտներին»: Ըստ ծրագրի նկարագրության՝ այս աղբավայրը նաեւ բնապահպանական օգուտ կտա, քանի որ կկրճատվի 3000 տոնա մեթան գազի արտանետումը, ինչը համարժեք է 60.000 տոնա ածխաթթու գազին: Մեթան գազի առաջացման պատճառը աղբավայրում պարբերաբար բռնկվող հրդեհներն են:

Նշենք, որ Նուբարաշենի ներկայիս աղբավայրը գործում է 1960-ականներից եւ այնտեղ կուտակված է մոտ 6-ից 8 միլիոն տոննա կոշտ թափոն: Տարեկան այս աղբավայր է տեղափոխվում 300-360 000 տոննա ծավալով թափոն:

Նոր սանիտարական աղբավայրը նախատեսվում է կառուցել գործող աղբավայրի անմիջական հարեւանությամբ՝ մոտ 29հա տարածքում: Այն նախատեսված է լինելու 28 տարվա համար եւ 40 մ բարձրությամբ առավելագույն լցման հասնելուց հետո ժամանակավոր մակերեսային մեկուսացում է նախատեսվում՝ 30 տարի հետսպասարկման փուլով (թափոնների կուտակման ավարտից հետո այս փուլում կարգավորվելու են աղբավայրից դուրս եկող արտահոսքերը՝ հող եւ ջուր հնարավոր ներթափանցումները կանխարգելելու համար):

Նոր աղբավայրի տարբերությունը հնից կայանում է նրանում, որ մեկուսացվելու է հիմքը, որպեսզի աղբի եւ հողի միջեւ չլինի շփում, բացի այդ պետք է լինեն սպասարկման կենտրոններ՝ աղբահավաք մեքենաների անիվների լվացման նպատակով, աղբավայրը պիտի լինի ցանկապատ եւ լուսավորված եւ այլն: Աղբավայրից արտահոսքերը հավաքվելու են դրա համար նախատեսված ռեզերվուարում: Իսկ թափոններից առաջացող գազերը հավաքվելու են գազահորերում եւ այրվելու են:

Չնայած որ նշված առավելությունները կարեւոր են, սակայն աղբահանության խնդիրը, ըստ էության, լուծում չի ստանում այս ծրագրով, քանի որ հիմնական բնապահպանական խնդիրները մնում են չլուծված. դրանք են՝ աղբի վերամշակման խնդիրը, այրվող գազը որպես այլընտրանքային էներգիայի աղբյուր չկիրառելը, վտանգավոր թափոնների խնդիրը, քանի որ այս աղբավայրը նախատեսված է լինելու քաղաքային եւ նմանատիպ այլ ոչ վտանգավոր թափոնների համար: Ծրագրում այդպես էլ նշված է, որ «աղբի վերամշակման ԵՄ պահանջը չի կարող կիրառվել այս մակարդակի ծրագրի համար, ուստի եւ սույն ծրագրի ազդեցությունից դուրս է համարվել»: Եվ դա այն դեպքում, երբ Նուբարաշենի կենցաղային աղբի 25%-ը բաղկացած է թափոններից, որոնք չեն կենսաքայքայվում, իսկ պլաստիկ թափոնների թիվը 1989թ.-ից ավելացել է 10 անգամ (աղբյուր):

Ինչ վերաբերում է այրվող գազերից էներգիայի արտադրման հնարավորությանը՝ ապա այս տարբերակը եւս մերժվել է՝ այս տարբերակի շահագործման եւ տեխնիկական սպասարկման բարձր ինքնարժեքի, թափոնների այրման դեպքում այրման արգասիքները հեռացնելու համար լրացուցիչ տարածք հատկացնելու պատճառով:

Այսինքն, թափոնները վերամշակելու համար, միգուցե նաեւ էներգիա ստանալու համապատասխան համակարգեր տեղադրելու համար՝ հետագայում լրացուցիչ գումարներ կպահանջվեն, ամենայն հավանականությամբ վարկերի տեսքով:

Մինչդեռ դեռեւս 2002 թ.-ից սկսած քաղաքապետարանի եւ ճապոնական «Շիմիձու» ընկերության միջեւ բանակցություններ էին ընթանում աղբավայրի 52.3 հա տարածքում իրականացնել կենսագազի օգտահանման եւ էլեկտրական էներգիայի արտադրման ծրագիր, որի շրջանակներում պետք է տեղադրվեր 1.4ՄՎտ հզորությամբ գազամխոցային շարժիչով էլեկտրաէներգիայի գեներատոր, որը կաշխատեր աղբավայրից ստացվող մեթան գազով: Այդ ծրագրով ոչ միայն բնապահպանական լուծում կտրվեր գազի արտանետումներին, քանի որ դրանց ծավալը կկրճատվեր 21 անգամ, այլեւ Հայաստանը կունենար սեփական վերականգվող հումքից էլեկտրաէներգիա, չհաշված տարեկան 550 հազար ԱՄՆ դոլար եկամուտը եւ տեղադրված համակարգը կառուցումից հետո անհատույց Երեւանի քաղաքապետարանին փոխանցելը: Ճապոնական կողմն էլ այդ կերպ Կիոտոյի արձանագրությամբ ստանձնած իր պարտավորությունները կիրականացներ՝ ուղղված մթնոլորտ ջերմոցային գազերի արտանետումների նվազեցման համար:

Սակայն հետագայում էկոնոմիկայի նախարարությունը վերապահումներ արեց ծրագրի իրականացման շուրջ՝ պատճառաբանելով, թե իբր ճապոնական ընկերությունը մենաշնորհային դիրք կունենա Նուբարաշենի աղբավայրում, որը կսահմանափակի աղբահանության բնագավառում այլ օպերատորների ներգրավման հնարավորությունը: Ընդ որում այս որոշման մեջ դեր է խաղացել նաեւ Համաշխարհային բանկը, ով գնահատել էր նման ծրագիրը որպես «ֆինանսական ռիսկերի բարձր աստիճան» պարունակող, եւ դա այն դեպքում երբ ճապոնական կողմն ինքն էր փակում ողջ ծախսերը (աղբյուր):

Արդեն 2009թ.-ին կնքված համաձայնագրի շրջանակներում ճապոնական ընկերությանը հատկացված մի փոքր հատվածում (7.5հա) ընկերությունը տեղադրել է աղբավայրում առաջացող կենսագազի հավաքման կայան, ուր սակայն գազը պարզապես հավաքվում ու այրվում է եւ դրանից չի արտադրվում էներգիա: Չնայած դրան՝ ՄԱԿ-ի տվյալների համաձայն՝ 2009-ից մինչ օրս Նուբարաշենում բիոգազի այրման միջոցով ածխաթթու գազի արտանետումները կրճատվել են ավելի քան 100.000 տոննայով: Ճապոնական ծրագրի լիարժեք իրականացման դեպքում այս թիվը կեռապատկվեր:

Նշենք, որ ճապոնական ընկերությունը նախնական ծրագրով ներդնելու էր 8մլն ԱՄՆ դոլար, իսկ արդեն ծրագրի իրականացման ողջ ժամանակահատվածի՝ 16 տարիների ընթացքում հայկական կողմի հասույթը կազմելու էր 8մլն 800 հազար ԱՄՆ դոլար: Այսինքն, Նուբարաշենի աղբավայրի կենսագազի այրումից ստացած եկամուտները կայանի՝ 2002թ-ից ի վեր գործարկելու դեպքում արդեն 2018թ.-ին հայկական կողմն ինքնուրույն կարող էր սկսել 8մլն ԱՄՆ դոլար ներդնել նոր աղբավայր կառուցելու ծրագրում, կամ էլ աշխատեր վերամշակման կայանների ստեղծման ուղղությամբ:

Ավելին, 2014թ.-ին ՎԶԵԲ-ի տրամադրած 3.5 մլն եվրո վարկի փոխարեն, որով 8 նմանատիպ աղբավայր պետք է կառուցվի Կոտայք եւ Գեղարքունիք մարզերում, Հայաստանը կարող էր ինքնուրույն փակել ծախսերը:

Սակայն հայկական կողմը ոչ միայն առ այսօր հրաժարվում է ծրագրերից, որոնք լուծումներ կարող են տալ բնապահպանական խնդիրներին, այլեւ հրաժարվում է թեթեւացնել Հայաստանի առանց այն էլ ծանր վարկային բեռը: Հիշեցնենք, որ 2016թ.-ի դրությամբ ՀՀ պարտքը կազմում է 5.9 մլրդ ԱՄՆ դոլար, այսինքն ՀՆԱ-ի 55%-ը:

Հետաքրքրական է, որ 2013թ.-ին Հանրապետական կուսակցության Երեւանի ավագանու նախընտրական ծրագրում առկա է եղել աղբահանության խնդրին լուծումներ տալու դրույթը, որով նախատեսված էր 5 տարվա մեջ աղբի տեսակավորման եւ վերամշակման ձեռնարկություններ հիմնել: Չնայած նախընտրական ծրագիրը չի իրականացվել՝ միանշանակ կարելի է եզրակացնել, որ իշխող խումբը շատ լավ գիտակցում է խնդրին լուծում տալու կարեւորությունը, սակայն նրանց անգործությունն ու կամքի բացակայությունը թույլ են տալիս արձանագրել ներկայիս կառավարության պատճառով գլոբալ կլիմայական փոփոխություններում Հայաստանի բացասական ներդրումը, ինչպես նաեւ կառավարության կողմից մարդու՝ առողջ միջավայրում ապրելու իրավունքի խախտումը: Դե իսկ միջազգային ֆինանսական կազմակերպությունները Հայաստանի առջեւ խիստ պահաջներ չդնելու եւ ոչ կայուն ծրագրեր ֆինանսավորելու արդյունքում դառնում են ներկայիս կառավարության գործած իրավախախտումների մեղսակից:

website by Sargssyan