Ավազակային հարձակման համար հետախուզվող ռաբիս երգիչ Վարդանիկը Ռուսաստանում ձերբակալվել է
Shamshyan.com-ը գրում է. Օրեր առաջ Ռուսաստանի Դաշնությունում հանցագործություն կատրելու կասկածանքով ձերբակալվել է Երևան քաղաքի Ռոստոմյան փողոցի բնակիչ՝ 34-ամյա Վարդան Եղիազարյանը, ով Հայաստանում ավելի շատ հայտնի է «Ռաբիս երգիչ Վարդանիկ» մականվամբ, ում նկատմամբ այս տարվա հուլիսի 6-ին Հայաստանի քննչական կոմիտեի Երևան քաղաքի քննչական վարչության Կենտրոն և Նորք Մարաշ վարչական շրջանների քննչական բաժնում ավազակային հարձակում կատարելու համար հայտարարվել է հետախուզում։ Ինչպես հայտնում է ֆոտոլրագրող Գագիկ Շամշյանը, Հայաստանի և Ռուսաստանի իրավապահները համատեղ գործողություններ են կատարում, որպեսզի Վարդանիկին արտահանձնեն Հայաստան:
Հիշեցնենք, որ Վարդան Եղիազարյանը մեսադրվում էր հունիսի 30-ին՝ժամը 04:15-ի սահմաններում, Թումանյան փողոցի վրա գործող «ՍԱՍ» սուպերմարկետի վրա ավազակային հարձակում կատարելու համար:
Առավել մանրամասն` սկզբնաղբյուր կայքում