Հետախուզությունը ցույց է տալիս, որ Ադրբեջանը լայնածավալ պատերազմի միտում չունի․ Հոխիկյան
«Այս օրերին, որ Ադրբեջանն ագրեսիա է կիրառում Արցախի հյուսիսի և կենտրոնական հատվածների նկատմամբ մասնավորապես Հաթերքի , Մարտակերտի, Եղցահողի ուղղությամբ , այդ հարձակումն ագրեսիան պետք է լիներ , որովհետև կա ոչ միայն տեղային տարածաշրջանային, այլև աշխարհաքաղաքական խնդիր»,-այս մասին ասուլիսին ասաց մեդիափորձագետ Նաիրի Հոխիկյանը։
«Երեք օր է Ադրբեջանը մի քանի ուղղություններով տեղային հարձակումներ է իրականացնում, կարևոր է, որ այդ տեղային հարձակումները տեղի են ունենում հեռահար մարտով , այսինքն օգտագործում են հիմնականում ականանետ, վերջին օրը միայն փորձեցին օգտագործել անօդաչու թռչող սարքեր։ Հետախուզությունը ցույց է տալիս, որ Ադրբեջանի առաջնագծային զորքերն այս պահին զինված են թեթև տեսակի զենքով , այսինքն արագ տեղաշարժվող զորքեր են և դա խոսում է այն մասին, որ Ադրբեջանը լայնածավալ պատերազմի միտում կամ հնարավորություն միգուցե չունի»,-ասաց նա։