Ավստրիայում մուսուլման կանայք կտուգանվեն դեմքը ծածկող հագուստ կրելու համար
Ավստրիայի կառավարությունը պաստառներ և թռուցիկներ է տարածում՝ զգուշացնելով մուսուլման կանանց, որ դեմքը ծածկող քող կրելու համար վերջիններս կարող են տուգանվել:
Ինչպես հաղորդում է The Independent-ը, իշխանություններն այս հանրային արշավը ձեռնարկել են՝ նիկաբ և բուրկա կրելու արգելքի մասին օրենսդրության մասին իրազեկությունը բարձրացնելու նպատակով, որն ուժի մեջ է մտնելու հոկտեմբերի 1-ից:
Նոր օրենքի համաձայն՝ յուրաքանչյուրն, ով դեմքը ծածկող հագուստ կկրի հանրային վայրում, կարող է տուգանվել 150 եվրոյով և պարտավոր է տեղում` ոստիկանի պահանջով բացել դեպքը: Նրանք, ովքեր կհրաժարվեն, կարող են ոստիկանությունում հայտնվել: